missing manong September 15, 2007

Sobrang nami-miss ko si manong ko lately. May mga oras pa nga na natutulala ako kakaisip lang sa pinakmamahal kong jowawits. Mahirap talaga ang long distance relationship, para kang nasa roller coaster ride. One moment sobrang saya pag may mga pagkakataong nakakapag-usap at binabawi ang mga araw ng pangungulila. May panahong sobrang lungkot, yun yung mga pagkakataong hindi man lang namin makumusta ang isa’t-isa.

Walang kasiguraduhan ang long distance relationship, pero dahil sugarela ako I have the courage para pasukin ito. Ganun talaga pag nagmahal ka. O ang emo ko na naman. E kasi naman ang entry na ito ay para kay manong ko, siyempre punong-puno at umaapaw ng emosyon, tagos hanggang buto. Dito man lang sa blog ko ay mairaos [uy!] ko ang pangungulila ko kay manong, the man that colored my life.

I want to share some trivias about him. I’m sure ang iba sa inyo ay curious of what he is like.

TEN THINGS ABOUT JOJIE’S MANONG

1. Tsinoy. I call him bebesingkit at bebeintsik. Binibiro ko nga siya na pag nagkaanak kami baka maging kirat. Malaki kasi mata ko tapos siya singkit, yung kaliwa makuha sa kanya tapos yung kanan sa’kin.
2. Isang dakilang nars. The best nurse in the whole wide world.
3. Pag sobrang stressed-out si manong at depressed nagkakalagnat. Pag nangyayari yun natataranta na’ko at gusto kong giyerahin ang mga taong may kinalaman sa stress at depression niya, pero pag ako yun hindi ko naman magegiyera ang sarili ko no.
4. Addict sa PC games. May sariling ng mundo pag masyadong engrossed sa nilalaro niya sa PC.
5. Matakaw kagaya ko.
6. Musician by heart. Marunong mag-flute, keyboard at gitara, pwede na kaming mamalimos sa Quiapo, ako ang taga-kanta.
7. Mukhang suplado. May sungit-look si manong, pag di mo siya knows matatakot ka lapitan.
8. Family man. Soon to be the daddy of my kids.
9. Madaming nunal at hindi ko sasabihin kung saan-saan yung mga yun.
10. Madaming experiences sa mga supernatural beings. Madalas ako kwentuhan nito e, kasi alam niyang duwag ako tuwang-tuwa at parang kinikiliti sa pwet pag inis na inis na’ko at ayaw pa niyang tumigil sa kakakwento.

Sampu lang yan sa madaming bagay tungkol kay manong ko. Ang pinaka-adorable na nilalang para sa’kin. Kayang-kaya niyang pag-somersault-in ang heart ko. Obvious ba na may mga puso sa mata ko pag si manong na ang pinag-uusapan?

Konting tiis na lang, at malapit na matupad ang pinakamimithi-mithi naming pangarap, at pag nangyari yun… Magpapaparty ako sa WPP family ko, echos! Sadyang mapagbiro lang ako hane.